name of months مہینوں کے نام

مہینوں کے نام اور ان کی وجہ تسمیہ

ہزاروں سالوں سے انسان وقت کی پیمائش کے لیے مہینے کا استعمال کرتا آرہا ہے اور اپنی آسانی کے لیے ان مہینوں کو مختلف ناموں سے پہچانا جاتا ہے ۔جولین کیلنڈر میں موجود مہینوں کے ناموں کی وجہ تسمیہ اور ان ناموں کا مطلب کچھ یوں ہے 

جنوری 

جنوری کا مہینہ کے نام رومن دیوتا جینوس پر ہے ۔رومن عقیدے کے مطابق ان کا یہ دیوتا دو چہروں کا حامل تھا جو کہ ماضی اور مستقبل میں دیکھنے کی اہلیت رکھتا تھا۔اور اس کو دروازوں کا دیوتا کا بھی سمجھا جاتا تھا۔ 

فروری 

فروری کے مہینے کا نام پاکیزگی کے لیے منائے جانے والے ایک قدیم رومن تہوار فبروا کی مناسبت سے ہے۔ 

مارچ 

مارچ کا نام مارس یعنی مریخ کے نام پر ہے جو کہ قدیم رومن عقیدے کے مطابق جنگ کا دیوتا ہے۔رومن کیلنڈر کا آغاز بھی مارچ کے مہینے سے ہوتا تھا ۔فروری اور جنوری کے مہینے بعد میں شامل کیے گئے تھے۔ 

اپریل 

ایپرل کا لفظ لاطینی لفظ اپریر سے لیا گیا ہے جس کے معنی کھلنے کے ہیں۔اور رومن اسے ایپرلیس کے نام سے پکارتے تھے۔ 

مئی 

مئی کا نام یونانی دیوی مایا کے نام پر ہے 

جون  

جون کے مہینے کا نام رومن دیوی جونو کے نام پر ہے جو کہ شادی اور اولاد کی پیدائش کی دیوی سمجھی جاتی تھی ۔جونو کو مشتری کی بیوی خیال کیا جاتا تھا جو کہ دیوتاؤں کا بادشاہ سمجھا جاتا تھا۔ 

جولائی  

جولائی کا نام جولیس سیزر کے نام پر ہے جو کہ مشہور رومن سپہ سالار تھا۔ 

اگست 

روم کے پہلے شہنشاہ آگسٹس کے نام کی مناسبت سے اگست کا نام رکھا گیا۔ 

ستمبر ،اکتوبر ،نومبر،دسمبر 

دراصل لاطینی زبان کے الفاظ 7،8،9،10 کی مناسبت سے ہیں ۔رومن کیلنڈر میں ان مہینو ں کا نمبر بھی اسی مناسبت سے تھا بعد اس کے کہ جولیس سیزر کے دور میں  جولین کیلنڈر کے نام سے کیلنڈر کو ازسر نو ترتیب دیا گیا۔جولائی اور اگست کو موجودہ نام دیے گئے اس سے پہلے ان کو بھی 5،6 کے ہندسوں کے نام سے پکارا جاتا تھا۔